خلونا نبدأ,,
1-بصير الشب 40 قيراط ..كل شئ فيه بلمع وطبعا بحط على راسه نص كيلو جل,,وبيمر
من جنبك حاطط قنينة عطر على حالو
2-بصير كل اسبوع يحلق شعره (الله يرحم من العيد للعيد)
3-بيصير يرمي السيجاره من نصها,,,قال يعني ناس هاي كلاس
4-بتحول بقدرة قادر من قائد الثورة والوطنيه ل ابو الفن والرومانسيه والحزن
5-بيصير كلامه هاي, مرحبا, مامي ,بابي,أهوه,نس,بيدلع النسكافيه أخينا
6-مابصير ياكل الا بيتزا وهمبرجر,,الله يرحم الفلافل
7-بيصير يتحمم كل يوم,وين اللي كان لما يتحمم بكون عيد الاستقلال,,
8-بتنقلب النكنيمات من مجرم حرب,دمار شامل,عوكل الي ملاك الحزن,اسير الحزن,,,
9-طبعا قدام جمعة بنات تنجاب سيرة الامتحانات بيصير بدو يستحلي,,الاخ بيصير يدرس
بس عشان يستحلي,وهاهاهاها
10-بيصير مايعرف الكولا ولا العصير,,بس القهوة والرد بول والمياه المعدنيه,,
11-مابنقطع من جيبته الكلينكس,,الله يرحم ,,
12-طبعا الولاعه نوع فاخر من ابو 50 دينار,,وين ايام الكبريته ياخال
13-بيتحمس في المحاضرات وبصير يشارك ويناقش الاخ أفلاطون,,الله يرحم بالمدرسه نايم من
ال8 لل1 وبروح,,
14-بدخل الجامعه 170 كيلو اعطيه 3 شهور بيصير 70 كيلو
15-الاماكن هاي قصتها قصه مع الشباب ,,الشب بفوت عالكليه بصير يحب بنت بسمع
الاماكن عالطوووول,ولك ياعديم الاحساس الاماكن هاي محمد عبده بغنيها لبنت ماتت شو
بتغني وبتسمع فيها ارحمني,,
وفي حاجات ماانكتبت رأفة بكم,,
منؤووووووول